13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Պուտինը հայտնել է ԵՏՄ-ում ազգային արժույթներով վճարումների մասնաբաժինը
Քաղաքականություն
26.05.2022 | 18:09
ԵՏՄ-ի անդամ երկրների ազգային արժույթներով փոխադարձ հաշվարկների մասնաբաժինը հասել է 75%-ի։ Այս մասին հայտարարել է ՌԴ նախագահ Վլադիմիր Պուտինը՝ ելույթ ունենալով Եվրասիական տնտեսական ֆորումի լիագումար նիստում, փոխանցում է ՌԻԱ Նովոստին։
«Ազգային արժույթներով հաշվարկների պրակտիկան ընդլայնվում է, ինչը շատ կարևոր է։ Նշեմ, որ նրանց մասնաբաժինը միության երկրների փոխադարձ առևտրում արդեն հասել է 75%-ի։ Մենք կշարունակենք աշխատել ազգային վճարային համակարգերի և բանկային քարտերի ինտերֆեյսի և փոխադարձ օգտագործման վրա»,- ասել է Պուտինը։
Նա նաև նշել է, որ հասունացել է մեծ Եվրասիական տնտեսական գործընկերության տնտեսական զարգացման համապարփակ ռազմավարության ձևավորման ժամանակը, որը կարտացոլի միջազգային բոլոր հիմնական մարտահրավերները։
Մասնավորապես, ըստ նրա, անհրաժեշտ է դիտարկել առևտրի և ներդրումային համաձայնագրերի համակարգի մշակման հետագա քայլերը, այդ թվում՝ ՇՀԿ-ի, ԱՍԵԱՆ-ի և ԲՐԻԿՍ-ի անդամ երկրների մասնակցությամբ։
Տաթև Ֆռանգյան
