16.09.2026 | 18:55
Հայտնի է՝ ով է Սիմոնյանի նշած քրեական հեղինակությունը, որը, ըստ նրա, Հայկ Սարգսյանի ընտանիքի ընկերն է
Ստոլտենբերգը հավատում է, որ ՆԱՏՕ-ին Շվեդիայի և Ֆինլանդիայի անդամակցության շուրջ տարաձայնությունները կհաջողվի լուծել
Քաղաքականություն
26.05.2022 | 15:28
ՆԱՏՕ-ի գլխավոր քարտուղար Յենս Ստոլտենբերգը կարծում է, որ դաշինքին Ֆինլանդիայի և Շվեդիայի հնարավոր անդամակցության շուրջ տարաձայնությունները կհաջողվի կարգավորել։ Այս մասին նա հայտարարել է իսպանական La Vanguardia թերթին տված հարցազրույցում, գրում է ՏԱՍՍ-ը։
«Իմ նպատակը մնում է մուտքի արագ գործընթացը, բայց ինչպես միշտ ՆԱՏՕ-ում՝ մեզ անհրաժեշտ է բոլոր 30 դաշնակիցների համաձայնությունը։ Մենք պետք է նստենք ու խոսենք, ինչպես դա արվում է, և տարաձայնությունները լուծենք։ Ես հավատում եմ, որ մենք դրան կհասնենք։ Մենք նաև պետք է ընդունենք, որ Թուրքիան կարևոր երկիր է, իսկ երբ դաշնակիցն ասում է, որ ունի խնդիր, այն պետք է քննարկել»,- ասել է Ստոլտենբերգը։
Հիշեցնենք, որ Թուրքիայի նախագահ Ռեջեփ Թայիփ Էրդողանը հայտարարել էր, որ Անկարան դեմ է Շվեդիայի ու Ֆինլանդիայի՝ ՆԱՏՕ-ին անդամակցությանը, քանի որ այդ երկրները, ըստ նրա, աջակցում են ահաբեկչական կազմակերպություններին։ Նախօրեին էլ շվեդական և ֆիննական պատվիրակություններն Անկարայում հանդիպում են անցկացրել թուրքական կողմի հետ՝ քննարկելով ՆԱՏՕ-ին անդամակցության դիմումները։
Էմմա Չոբանյան
