10.10.2026 | 17:44
Հայաստանի կրտսեր տարիքի պատանիների հավաքականը Եվրոպայի ստուգատեսում կունենա 17 բռնցքամարտիկ
Վարչապետը շնորհավորական ուղերձ է հղել Վրաստանի վարչապետին
Քաղաքականություն
26.05.2022 | 10:17
Վարչապետ Նիկոլ Փաշինյանը շնորհավորական ուղերձ է հղել Վրաստանի վարչապետ Իրակլի Ղարիբաշվիլիին՝ երկրի ազգային տոնի առթիվ․ տեղեկացնում են ՀՀ վարչապետի աշխատակազմից։
Ուղերձում նշված է.
«Ձերդ գերազանցություն,
Ջերմորեն շնորհավորում եմ Վրաստանի ազգային տոնի՝ պետական անկախության վերականգնման օրվա կապակցությամբ։
Հարևան և բարեկամ Վրաստանի անկախ պետականության անխախտ ուղին կարևորվում է հայ և վրաց ժողովուրդների՝ սեփական ինքնությունը և հոգևոր արժեքները դարեր շարունակ պահպանելու, պատմության դժվարին շրջափուլերում միմյանց նեցուկ լինելու և բարեկամության ոգուն ու էությանը հավատարիմ մնալու առումով:
Վստահ եմ, որ մեր երկու երկրների միջև հարաբերությունների հիմքում առկա բազմոլորտ փոխգործակցության արդյունավետ փորձն ապագայում ևս անհրաժեշտ ջանքերի ներդրմամբ կհամալրվի փոխշահավետ ձեռքբերումներով և նորանոր նվաճումներով՝ ի նպաստ երկու երկրների ժողովուրդների բարօրության և տարածաշրջանային առկա մարտահրավերների հաղթահարման ու առաջընթացի:
Մաղթում եմ Ձեզ քաջառողջություն և բեղմնավոր գործունեություն, իսկ Վրաստանի եղբայրական ժողովրդին՝ բարեկեցություն և հարատև խաղաղություն»:
