20.08.2026 | 12:59
Դատախազությունը Արմեն Աշոտյանից պահանջում է բռնագանձել 3 անշարժ գույք և շուրջ 385 մլն դրամ
Անկարայում ավարտվել են ՆԱՏՕ-ին Շվեդիայի և Ֆինլանդիայի անդամակցության շուրջ բանակցությունները
Քաղաքականություն
25.05.2022 | 21:15
Անկարայում ավարտվել են Թուրքիայի, Շվեդիայի և Ֆինլանդիայի պատվիրակությունների բանակցությունները ՆԱՏՕ-ին Ստոկհոլմի և Հելսինկիի անդամակցության հարցով։ Այս մասին հայտնել է ՏԱՍՍ-ի աղբյուրը։
«Բանակցություններն անցկացվել են նախագահական պալատում, տևել են մոտավորապես 5 ժամ և արդեն ավարտվել են»,- ասել է աղբյուրը։
Թուրքական կողմը ներկայացրել են նախագահի մամուլի քարտուղար Իբրահիմ Քալընը և փոխարտգործնախարար Սեդաթ Օնալը։ Աղբյուրի փոխանցմամբ՝ թուրք պաշտոնյաները սկզբում առանձին են հանդիպել սկանդինավյան երկու երկրների պատվիրակությունների հետ, իսկ հետո կայացել է եռակողմ հանդիպումը։
Հիշեցնենք, որ Թուրքիայի նախագահ Ռեջեփ Թայիփ Էրդողանը պարբերաբար հայտարարում է, որ Անկարան դեմ է ՆԱՏՕ-ին Շվեդիայի և Ֆինլանդիայի անդամակցությանը, քանի որ նրանք, իբր, «աջակցում են քուրդ ահաբեկիչներին»։
Էմմա Չոբանյան
