06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Միայն Ադրբեջանի 5 կետի վրա բանակցելը ՀՀ-ի կապիտուլյացիան կնշանակի․ չպիտի քննարկվի բացառապես Բաքվի օրակարգը․ Արմեն Պետրոսյան․ ՏԵՍԱՆՅՈՒԹ
Քաղաքականություն
25.05.2022 | 19:17
Ադրբեջանը խաղաղության բանակցություններում իր առաջարկներից դուրս է թողել հայ-ադրբեջանական հարաբերությունների կարևորագույն հարցերը, մասնավորապես՝ ԼՂ հիմնախնդրի օրակարգի պրոբլեմները, որոնց լուծումը բխում է հայկական կողմի շահերից։ Factor TV-ի հարցազրույցում արևելագետ Արմեն Պետրոսյանն ասում է՝ սա նշանակում է մեկ բան, որ բացառապես Ադրբեջանի օրակարգով բանակցության նստելը կնշանակի դիվանագիտական կապիտուլյացիա։
«Եթե ՀՀ-ի 6 առաջարկները չներառվեն օրակարգում, որևէ բանակցություն չի կարող տեղի ունենալ։ Եթե օրակարգը լինի Ադրբեջանի հինգ կետերով, ապա սա նշանակում է ոչ թե բանակցություններ, այլ պարտադրանք հայկական կողմին։ Եթե միայն ադրբեջանական կողմի սկզբունքների հիման վրա լինեն բանակցությունները, նշանակում է կապիտուլյացիա դիվանագիտական հարթակում»,- այսպես է գնահատում իրադրությունը մասնագետը։
Ավելի վաղ էլ, հիշեցնենք, Factor TV-ի տաղավարում Հատուկ հանձնարարություններով դեսպան Էդմոն Մարուքյանը հայտարարել էր, որ ՀՀ-ն չի բանակցի միայն Ադրբեջանի հինգ սկզբունքներով․ խաղաղություն չի լինի՝ պրոբլեմները չեն լուծվի։
Հարցազրույցն ամբողջությամբ՝ տեսանյութում։
Ռոբերտ Անանյան
