19.12.2025 | 21:15
Գարեգին Բ-ն մտադիր չէ հեռանալ․ քաղաքական գնահատականներ՝ Մայր Աթոռում տեղի ունեցածի շուրջ
Զախարովան ԵՄ-ին մեղադրել է ՀՀ, Ադրբեջանի և ՌԴ-ի միջև ձեռքբերված եռակողմ համաձայնագրերի գործընթացներին միջամտելու փորձերի մեջ
Քաղաքականություն
25.05.2022 | 19:01
Մոսկվան տեսնում է ԵՄ-ի համառ փորձերը՝ միջամտելու Հայաստանի, Ադրբեջանի և Ռուսաստանի ամենաբարձր մակարդակով ձեռքբերված եռակողմ համաձայնագրերի գործընթացին։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Այո, մենք տեսնում ենք ԵՄ-ի կողմից ամենաբարձր մակարդակով եռակողմ համաձայնագրերի գործընթացին միջամտելու համառ փորձեր, մենք ակնկալում ենք, որ Բրյուսելը կօգնի դրանք իրականացնել, եթե այդքան շատ է ուզում, այլ ոչ թե աշխարհաքաղաքական խաղեր խաղալ, իսկ դա արդեն մենք չենք ուզում»,- ասել է նա։
Զախարովայի խոսքով՝ Ռուսաստանն աջակցում է Երևանին և Բաքվին բոլոր ուղղություններով, այդ թվում՝ տրանսպորտային հաղորդակցությունների ապաշրջափակման, սահմանների սահմանազատման, հասարակական կապերի հաստատման և խաղաղության պայմանագրի մշակման հարցում։
«Այս ճանապարհին առանցքային խնդիրներից է Երևանի և Բաքվի միջև հարաբերությունների համապարփակ կարգավորումը՝ կայուն խաղաղություն հաստատելու նպատակով։ Այս ուղղությամբ ջանքերի հիմքում ընկած են առաջնորդների եռակողմ պայմանավորվածությունները, որոնց մասին մենք բազմիցս խոսել ենք, և որոնք հետևողականորեն իրականացվում են։ Ռուսաստանն աջակցում է Երևանին և Բաքվին բոլոր ուղղություններով, այդ թվում՝ տրանսպորտային հաղորդակցության ապաշրջափակման, սահմանների սահմանազատման, հանրային կապերի հաստատման և խաղաղության պայմանագրի մշակման հարցում»,- ասել է Զախարովան։
Տաթև Ֆռանգյան
