08.06.2026 | 12:24
Հայաստանի ժողովուրդը քվեարկել է խաղաղության և կայունության համար․ Անտոնիո Կոշտան շնորհավորել է Փաշինյանին
Չնայած պատժամիջոցներին՝ ռուսական ինքնաթիռները թռչում են Թուրքիայի օդային տարածքով
Քաղաքականություն
25.05.2022 | 19:28
Երկու ռուսական կործանիչ է նախօրեին թռել Թուրքիայի օդային տարածքի վրայով՝ Ռուսաստանի դեմ միջազգային պատժամիջոցների ֆոնին, ներառյալ՝ Ուկրաինայի պատերազմի պատճառով երկրի օդային տարածքի փակման հետևանքով։ Այս մասին գրում է Ահվալը՝ վկայակոչելով CivMilAir-ին։
Նշվում է, որ երկու սուպերջեթ է նկատվել, որոնք հակառակ ուղղություններով թռել են Թուրքիայի վրայով, ժամում, համապատասխանաբար, 452,6 և 392,5 ծովային մղոն արագությամբ։
Հավելենք, որ Ուկրաինայում պատերազմ սանձազերծելու հետևանքով մի շարք երկրներ նաև ճանապարհորդական պատժամիջոցներ են կիրառել։ Եվրամիության երկրները, ԱՄՆ-ը, Մեծ Բրիտանիան և Կանադան այն երկրների թվում են, որոնք փակել են իրենց օդային տարածքը ռուսական ինքնաթիռների համար։
Թուրքիան ՌԴ-ի դեմ պատժամիջոցներ չի կիրառել, սակայն ապրիլի 23-ին Անկարան հայտարարեց, որ երեք ամսով փակում է իր օդային տարածքը Ռուսաստանից Սիրիա ուղևորվող ռուսական քաղաքացիական և ռազմական ինքնաթիռների համար։
Էմմա Չոբանյան
