09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Մոսկվան պատրաստ է խորհրդատվական աջակցություն ցուցաբերել հայ-ադրբեջանական սահմանի սահմանազատման երկկողմ հանձնաժողովին․ Զախարովա
Քաղաքականություն
25.05.2022 | 18:13
Ռուսաստանը պատրաստ է խորհրդատվական աջակցություն ցուցաբերել հայ-ադրբեջանական սահմանի սահմանազատման երկկողմ հանձնաժողովին։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ մամուլի ծառայության ղեկավար Մարիա Զախարովան։
«Այն արձանագրված է 2021 թվականի նոյեմբերի 26-ին Սոչիի գագաթնաժողովից հետո ղեկավարների հայտարարության մեջ և բազմիցս հաստատվել է բոլոր շփումների ընթացքում։ Ռուսաստանը յուրահատուկ փորձագիտական ներուժ ունի հետխորհրդային տարածքում սահմանազատման և սահմանային վեճերի կարգավորման ոլորտում։ Մեր տրամադրության տակ կան անհրաժեշտ քարտեզագրական նյութեր։ Հանձնաժողովի գործունեության շրջանակում ուրախ կլինենք կիսել մեր փորձն ու ձեռքբերումները հայ և ադրբեջանցի ընկերների հետ։ Արդեն ձևավորվել է ռուս փորձագետների թիմը՝ խորհրդատվական օգնություն ցույց տալու համար»,- հայտարարել է նա։
Տաթև Ֆռանգյան
