08.06.2026 | 14:30
Ուկրաինայի Գերագույն ռադայի նախագահը շնորհավորել է Ալեն Սիմոնյանին ընտրություններում տարած հաղթանակի առիթով
Բաքուն հայտնում է, որ ապրիլին Ադրբեջանի տարածքում հայտնված հայ զինծառայողը կվերադարձվի Հայաստան
Քաղաքականություն
25.05.2022 | 17:47
Ադրբեջանի տարածքում հայտնված ժամկետային զինծառայող Էդուարդ Մարտիրոսովը կվերադարձվի Հայաստան։ Այս մասին ադրբեջանական Trend գործակալության հետ զրույցում հայտնել է Ադրբեջանի գերիների և պատանդների տեղեկատվական կենտրոնի համակարգող Ահմադ Շահիդովը։
Նա նշել է, որ հայ զինծառայողը այս շաբաթ կփոխանցվի հայկական կողմին։ Այլ մանրամասներ Շահիդովը չի հաղորդել։
Հիշեցնենք, որ ՀՀ պաշտպանության նախարարությունը հայտնել էր, որ ապրիլի 23-ին, զորամասից մարտական հենակետ գնալու ճանապարհին, կորել էր կապը N զորամասի պարտադիր ժամկետային զինծառայող, շարքային Էդուարդ Արթուրի Մարտիրոսովի հետ: Նա դեռևս անհայտ հանգամանքներում, հատել էր հայ-ադրբեջանական սահմանը և հայտնվել ադրբեջանական կողմում։
Հայկական կողմից այս տեղեկությունն առայժմ չեն հաստատել կամ հերքել։
Էմմա Չոբանյան
