09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Զաքիր Հասանովը Բաքվում հանդիպել է Սելջուկ Բայրաքթարին
Քաղաքականություն
25.05.2022 | 22:16
Ադրբեջանի պաշտպանության նախարար Զաքիր Հասանովը Բաքվում այսօր հանդիպել է թուրքական «Բայքար» ընկերության տեխնիկական գծով տնօրեն Սելջուկ Բայրաքթարի հետ, գրում են ադրբեջանական լրատվամիջոցները։
Հասանովը կարևորել է նման հանդիպումների անցկացումը փոխադարձ համագործակցության ընդլայնման տեսանկյունից։
«Կողմերը մտքեր են փոխանակել Ադրբեջանի ու Թուրքիայի միջև ռազմատեխնիկական համագործակցության ներկա իրավիճակի ու հեռանկարների շուրջ»,- ասվում է Ադրբեջանի ՊՆ հաղորդագրության մեջ։
Բացի այդ, հանդիպմանն ընդգծվել է այս տարի Բաքվում «Technofest Azerbaijan» փառատոնի անցկացման կարևորությունը, որը տեղի է ունենալու մայիսի 26-29-ը։ Միջոցառմանը մասնակցելու համար Ադրբեջան է այցելելու նաև Թուրքիայի նախագահ Ռեջեփ Թայիփ Էրդողանը։
Էմմա Չոբանյան
