09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Նիդերլանդների վարչապետը նշել է, թե երբ ռուսական նավթի էմբարգոյի շուրջ ԵՄ-ն համաձայնության կգա
Քաղաքականություն
25.05.2022 | 16:40
Նիդերլանդների վարչապետ Մարկ Ռյուտեն հույս է հայտնել, որ ԵՄ-ն ռուսական նավթի մատակարարումների էմբարգոյի շուրջ համաձայնության կգա մայիսի 30-31-ին նախանշված գագաթնաժողովում, գուցե նաև՝ հանդիպումից հետո հնարավորինս արագ, գրում է ՌԻԱ Նովոստին։
«Մենք շատ արագ ենք արձագանքել ուկրաինական ճգնաժամին ու սահմանել պատժամիջոցների մի շարք փաթեթներ։ Սակայն կան անհանգստություններ նավթի հետ կապված պատժամիջոցների մասով։ Հուսով եմ՝ կկարողանանք համաձայնության գալ երկուշաբթի կամ երեքշաբթի, երբ տեղի կունենա ԵՄ գագաթնաժողովը կամ հանդիպումից հետո, որքան հնարավոր է՝ շուտ»,-ասել է Ռյուտեն Դավոսի Համաշխարհային տնտեսական ֆորումում ունեցած ելույթում։
Հավելենք, որ նախօրեին էլ Ելիսեյան պալատի ներկայացուցիչը հայտարարել էր, որ ռուսական նավթի մատակարարումների՝ ԵՄ-ի էմբարգոյի հարցում Հունգարիայի վետոն կարող է հաղթահարվել մոտ օրերս։
Ավելի վաղ լրատվամիջոցները հայտնել էին, որ Հունգարիայի վարչապետ Վիկտոր Օրբանը գրավոր փոխանցել է Եվրոպական խորհրդի նախագահ Շառլ Միշելին, որ իր երկիրը չի կարող աջակցել պատժամիջոցներին, քանի դեռ Բուդապեշտին ավելի շատ ֆինանսական միջոցներ չեն տրամադրել ռուսական նավթից հրաժարվելու դեպքում օգնության համար։
Էմմա Չոբանյան
