09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Թուրքիան գտնվում է գնաճ-արժեզրկում շրջապտույտի մեջ
Քաղաքականություն
25.05.2022 | 21:49
Թուրքիան գտնվում է արագ գնաճի և ազգային արժույթի արժեզրկման շրջապտույտի մեջ։ Այս մասին հայտարարել է զարգացող շուկաների առաջատար մասնագետ Թիմ էշը, գրում է «Ահվալ» գործակալությունը։
Նա նշել է, որ թուրքական իշխանությունները հրաժարվել են արժութային շուկաներին միջամտելու վերջին քաղաքականությունից և այժմ փորձում են կառավարել լիրայի փոխարժեքը։
«70 տոկոս գնաճի դեպքում նրանք պետք է մշտապես կառավարեն լիրան կամ բախվեն զանգվածային իրական արժևորման։ Նրանք գտնվում են գնաճ-արժեզրկում պարույրի մեջ»,- ասել է Էշը։
Վերջին 15 առևտրային օրերին լիրան թուլացել է 14 կետով։ Հավելենք, որ երկրում սպառողական գների գնաճն ապրիլին հասել է երկու տասնամյակի ամենաբարձր մակարդակին՝ 69,97 տոկոսի։ Կենտրոնական բանկն էլ նշել է, որ չի բարձրացնի տոկոսադրույքները՝ լիրան պաշտպանելու և գնաճը դանդաղեցնելու համար, քանի որ նախագահ Էրդողանը դեմ է այդ քայլին։
Թիմ Էշը նշել է, որ իշխանությունները կարող են կառավարել լիրայի անկումը նախքան նոր մակարդակ սահմանելը՝ այն պաշտպանելու արտահերթ ընտրություններից առաջ:
Հիշեցնենք՝ Թուրքիայում նախագահական և խորհրդարանական ընտրություններն անցկացվելու են 2023 թվականի հունիսին։
Էմմա Չոբանյան
