09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Թուրքիայի ԱԽ-ն կքննարկի ՆԱՏՕ-ին Շվեդիայի և Ֆինլանդիայի անդամակցության հարցը, Հունաստանի և Ուկրաինայի շուրջ իրավիճակը
Քաղաքականություն
25.05.2022 | 14:33
Թուրքիայի Ազգային անվտանգության խորհուրդը մայիսի 26-ի նիստում նախագահ Ռեջեփ Թայիփ Էրդողանի գլխավորությամբ քննարկելու է ՆԱՏՕ-ին Շվեդիայի և Ֆինլանդիայի անդամակցության դիմումների հարցը, հայտնում է «Անադոլու» գործակալությունը։
Նշվում է, որ քննարկվելու է նաև իրավիճակը Իրաքի հյուսիսում «հակաահաբեկչական գործողության» գոտում, ինչպես նաև Հունաստանի զինանոցի աճի հարցը։
Տարեսկզբից ի վեր Թուրքիայի Անվտանգության խորհրդի երրորդ նիստի ընթացքում շոշափվելու են Անկարային հետաքրքրող այլ թեմաներ ևս, այդ թվում՝ Ուկրաինայի և Ռուսաստանի միջև պատերազմի թեման։ Սև ծովի հյուսիսում ստեղծված իրավիճակի համատեքստում մտքերի փոխանակում տեղի կունենա Ուկրաինայի շուրջ Թուրքիայի խաղաղարար, միջնորդական նախաձեռնությունների, մարդասիրական օգնության մատակարարումների և երկարաժամկետ զինադադարի հասնելու ջանքերի շուրջ։
Ինչ վերաբերում է Էգեյան և Արևելյան Միջերկրական ծովում տիրող իրավիճակին, հանդիպման մասնակիցները մանրամասն քննարկելու են «Թուրքիայի և Հյուսիսային Կիպրոսի շահերն ու իրավունքները պաշտպանելու թեման»։
Խորհրդի անդամները նաև քննարկելու են Թուրքիայի հարավային սահմաններին անվտանգության գոտու ձևավորման հարցը, այդ թվում, իբր, հակաահաբեկչական գործողության իրականացումը։
Հիշեցնենք՝ Էրդողանն օրերս հայտարարել էր, որ Թուրքիան նոր ռազմական հարձակում է սկսելու Սիրիայի հյուսիսում։
Էմմա Չոբանյան
