15.12.2024 | 11:22
Դժբախտ պատահարի հետևանքով մահացել է Mango-ի հիմնադիրը
Նոր մանրամասներ Տեխասի տարրական դպրոցում հրաձգությունից
Քաղաքականություն
25.05.2022 | 14:53
Ամերիկյան Տեխաս նահանգի Ուվալդ քաղաքում Ռոբի տարրական դպրոցում 18-ամյա երիտասարդի կողմից հրաձգության հետևանքով զոհվել է 22 մարդ՝ 5-ից 11 տարեկան 19 երեխա և 3 մեծահասակ, այդ թվում՝ հարձակվողը: Այս մասին հայտնել է նահանգապետ Գրեգ Էբոթը։ Ի սկզբանե հաղորդվում էր 19 աշակերտի և 1 ուսուցչի զոհվելու մասին, գրում է DW-ի ռուսական ծառայությունը։
JUST IN: Gov. Greg Abbott gives an update on the school shooting in Uvalde. INFO: https://t.co/rhVwftZh2Y pic.twitter.com/4JSRU5FQlR
— CBS Austin (@cbsaustin) May 24, 2022
Նահանգապետի խոսքով՝ հարձակման մեջ կասկածվողը տեղի բնակիչ Սալվադոր Ռամոսն է։ Ենթադրաբար, նրան սպանել է կանչով դեպքի վայր ժամանած ոստիկանը։ Ավելի ուշ Ռամոսի մահվան մասին տեղեկությունը CNN-ին հաստատել է Տեխասի հանրային անվտանգության դեպարտամենտի ներկայացուցիչ Էրիկ Էստրադան։ Հաղորդվում է, որ հարձակվողը գործել է միայնակ։
CNN-ը, վկայակոչելով Տեխասից սենատոր Ռոլանդ Գուտիերեսին, հայտնում է, որ մինչ ատրճանակով տարրական դպրոց մտնելը՝ երիտասարդը կրակել է տատիկի վրա։ Նա այժմ գտնվում է Սան Անտոնիոյի հիվանդանոցում:
Տաթև Ֆռանգյան
