09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Սեուլը հայտարարել է, որ Հյուսիսային Կորեան պատրաստվում է միջուկային փորձարկման
Քաղաքականություն
25.05.2022 | 12:45
Հյուսիսային Կորեան փորձարկել է «պայթեցման սարքավորում», ամենայն հավանականությամբ՝ միջուկային փորձարկման նախապատրաստման շրջանակում։ Այս մասին հայտնում է Yonhap գործակալությունը՝ վկայակոչելով Հարավային Կորեայի նախագահի գրասենյակի հայտարարությունը։
«Արձանագրվել է, որ Փունգերի փորձադաշտից (ԿԺԴՀ) բացի՝ այլ վայրում փորձարկվում է միջուկային լիցքի պայթեցման սարքավորումների աշխատանքը՝ նախապատրաստվելով յոթերորդ միջուկային փորձարկմանը»,- հայտնել են նախագահի գրասենյակից։
Սեուլը չի կարծում, որ Հյուսիսային Կորեան միջուկային փորձարկում կկատարի վաղը կամ երկու օրվա ընթացքում, բայց «անշուշտ, դա կարող է տեղի ունենալ ավելի ուշ», ասել է Հարավային Կորեայի Ազգային անվտանգության գրասենյակի ղեկավարի առաջին տեղակալ Կիմ Թհե Հյոն։
Տաթև Ֆռանգյան
