20.08.2026 | 14:00
Ադրբեջանի տարածքով ՌԴ-ից 39 վագոն ցորեն է առաքվել Հայաստան
Ռուսական զինուժը ռմբակոծել է Զապորոժիեն
Քաղաքականություն
25.05.2022 | 11:33
Ականատեսները հայտնում են, որ վաղ առավոտյան Զապորոժիեում մի քանի պայթյուններ են որոտացել։ Օդային տագնապի ազդանշանները հնչել են տեղական ժամանակով 3:20-ի սահմաններում, իսկ պայթյունները գրանցվել են առավոտյան ժամը 5-ի սահմաններում, գրում է BBC-ի ռուսական ծառայությունը:
Ինչպես հայտնել է Զապորոժիեի շրջանային ղեկավարությունը՝ ժամը 05:13-ին ռուսական զորքերը չորս թևավոր հրթիռ են արձակել Զապորոժիեի ուղղությամբ։ Նրանցից մեկը խոցվել է Ուկրաինայի հակաօդային պաշտպանության կողմից։
«Ներկայումս ռմբակոծությունից տուժած տարածքը հետազոտվում է, դեպքի վայրում աշխատում են համապատասխան ծառայությունները»,- ասվում է հաղորդագրության մեջ։
Զոհերի կամ ավերածությունների մասին տեղեկություններ դեռ չկան։
Տաթև Ֆռանգյան
