20.08.2026 | 12:59
Դատախազությունը Արմեն Աշոտյանից պահանջում է բռնագանձել 3 անշարժ գույք և շուրջ 385 մլն դրամ
Ռուսական նավթային էմբարգոյի հարցում հունգարական վետոն շուտով կհաղթահարվի․ Ելիսեյան պալատ
Քաղաքականություն
24.05.2022 | 22:20
Ռուսական նավթի մատակարարումների ԵՄ էմբարգոյի հարցում Հունգարիայի վետոն դեռևս կարող է հաղթահարվել «մոտ օրերս», կարծում են Ելիսեյան պալատում։ Այս մասին գրում է ՌԻԱ Նովոստին։
«Դեռևս կա հնարավորություն, որ առաջիկա օրերին հնարավոր կլինի հաղթահարել հունգարական վետոն»,- գրում է AFP-ն՝ վկայակոչելով Ելիսեյան պալատի ներկայացուցչին։
Աղբյուրի փոխանցմամբ՝ ներկայում դիտարկվում են տարբերակներ՝ այդ վետոն հանելու համար։
Ավելի վաղ լրատվամիջոցները հայտնել էին, որ Հունգարիայի վարչապետ Վիկտոր Օրբանը գրավոր փոխանցել է Եվրոպական խորհրդի նախագահ Շառլ Միշելին, որ իր երկիրը չի կարող աջակցել պատժամիջոցներին, քանի դեռ Բուդապեշտին ավելի շատ ֆինանսական միջոցներ չեն տրամադրել ռուսական նավթից հրաժարվելու դեպքում օգնության համար։
Էմմա Չոբանյան
