20.08.2026 | 12:59
Դատախազությունը Արմեն Աշոտյանից պահանջում է բռնագանձել 3 անշարժ գույք և շուրջ 385 մլն դրամ
ՄԱԿ-ի պաշտոնյան Պուտինին կոչ է արել վերաբացել Ուկրաինայի նավահանգիստները՝ կանխելու պարենային ճգնաժամը
Քաղաքականություն
24.05.2022 | 22:31
ՄԱԿ-ի Պարենի համաշխարհային ծրագրի ղեկավարը ՌԴ նախագահ Վլադիմիր Պուտինին կոչ է արել վերաբացել Ուկրաինայի նավահանգիստները, որպեսզի ամբողջ աշխարհում կանխվի երեխաների սովը, գրում է CNN-ը:
Դավոսում Համաշխարհային տնտեսական ֆորումի ընթացքում լրատվամիջոցի հետ զրույցում Դեյվիդ Բիսլին կոչ է արել Ռուսաստանի առաջնորդին՝ «սիրտ ունենալ»։ Սննդի աճող ճգնաժամը դարձել է ֆորումի հիմնական խնդիրը, և Բիսլին եղել է գործողության կոչ անող առաջատար ձայներից մեկը: Նա զգուշացրել է, որ Ուկրաինայում պատերազմը նշանակում է, որ «աշխարհի հացի զամբյուղը հերթի է կանգնել»։
Բիսլին ասել է, որ ամբողջ աշխարհում 325 միլիոն մարդ սովի է մատնված, ընդ որում՝ 43 երկրներում 49 միլիոն մարդ այժմ «թակում է սովի դուռը»:
«Աշխարհը կանգնած է պարենային անվտանգության ճգնաժամի առաջ։ Դա անհապաղ է և երկարաժամկետ: Եթե մենք հիմա պայքարում ենք 7,7 միլիարդ մարդու կերակրելու համար, ի՞նչ է լինելու, երբ ունենանք 10, 12, 13 միլիարդ»,- ասել է ՄԱԿ-ի պաշտոնյան։
Էմմա Չոբանյան
