06.11.2024 | 19:28
ՀՀ գլխավոր դատախազը Հաագայում հանդիպել է Եվրաջասթի նախագահի հետ
Թուրքիան Ազգային տիեզերական ծրագիր է գործարկել
Քաղաքականություն
24.05.2022 | 23:30
Թուրքիայի Արդյունաբերության և տեխնոլոգիաների նախարարությունը հայտնում է, որ նախագահ Ռեջեփ Թայիփ Էրդողանը Ազգային տիեզերական ծրագրի շրջանակում գործարկել է «Թուրքիայի տիեզերական գիտական առաքելությունը», գրում է «Անադոլու» գործակալությունը։
Նախարարության հայտարարության մեջ նշվում են նախագծի մանրամասները, որի մասին Էրդողանը նախօրեին հայտնել է կառավարության նիստից հետո։
Նշվում է, որ թուրք գիտնականները տիեզերագնացների հետ միասին կկարողանան գիտական սարքավորումներ ուղարկել միջազգային տիեզերակայան։ Այս կերպ հնարավոր կլինի հետազոտություններ կատարել տիեզերական միջավայրի ձգողականության հարցում։ Հաղորդվում է, որ տիեզերական առաքելությունը տևելու է 10 օր։
Հայտարարության մեջ ասվում է, որ Ազգային տիեզերական ծրագրի շրջանակում, տիեզերական գիտական առաքելության իրականացմամբ, Թուրքիան հնարավորություն կունենա գիտափորձեր անցկացնել՝ օգտագործելով միջազգային տիեզերակայանի ենթակառուցվածքը։ Նշվում է, որ այս հեղինակավոր առաքելության շնորհիվ Թուրքիան կհայտնվի իրենց քաղաքացիներին տիեզերք ուղարկած երկրների թվում։
Էմմա Չոբանյան
