15.09.2026 | 18:42
Վահան Բիչախչյանը մոտ է խաղադաշտ վերադառնալուն
Moderna-ն կապիկի ծաղիկի դեմ պատվաստանյութի նախակլինիկական հետազոտություններ է իրականացնում
Քաղաքականություն
24.05.2022 | 23:05
Moderna ընկերությունը, որի համահիմնադիրը և գլխավոր տնօրենը հայազգի գիտնական, գործարար և բարերար Նուբար Աֆեյանն է, հայտարարել է, որ կապիկի ծաղիկի դեմ հնարավոր պատվաստանյութերի նախակլինիկական ուսումնասիրություններ է անցկացնում։
«Մենք ուսումնասիրում ենք կապիկի ծաղիկի դեմ հնարավոր պատվաստանյութերը նախակլինիկական մակարդակում»,- ասված է ընկերության Twitter-յան էջում արված գրառման մեջ, գրում է ՌԻԱ նովոստին:
Հիշեցնենք, որ եվրոպական մի շարք երկրներում սկսել է կապիկի ծաղիկ տարածվել։ Արդեն վարակի դեպքեր են գրանցվել Ֆրանսիայում, Շվեդիայում, Իտալիայում, Ավստրալիայում և Կանադայում։ Մեծ Բրիտանիայում կապիկի ծաղիկ ախտորոշված բոլոր հիվանդները կարանտինի են ենթարկվել։
Սա հազվագյուտ վիրուսային վարակ է, որը փոխանցվում է նաև մարդուց մարդուն: Սովորաբար վիրուսը մեղմ ընթացք է ունենում, և մարդկանց մեծամասնությունը վերականգնվում է մի քանի շաբաթվա ընթացքում, սակայն ոմանց մոտ կարող են բարդություններ առաջանալ:
Տաթև Ֆռանգյան
