20.04.2026 | 15:51
Նրանք ներողություն խնդրեցին․ Արման Ծառուկյանը՝ ինքնաթիռից իջեցման միջադեպի մասին
Սոցիալական բնակարաններ՝ Գյումրու «Մսի կոմբինատ» թաղամասում
Հասարակություն
24.05.2022 | 18:04
Գյումրու «Մսի կոմբինատ» ծայրամասային թաղամասում սոցիալական բնակարաններ կկառուցվեն։ Քաղաքապետարանը հուշագիր է կնքել «Դեպի առաջ» բարեգործական հասարակական կազմակերպության հետ, որի համաձայն համագործակցելու են սոցիալ-կրթական և արտադրական ոլորտներում։
Ըստ փաստաթղթի՝ Գյումրու համայնքապետարանը պարտավորվում է կազմակերպությանը հատկացնել անավարտ բազմաբնակարան շենք և օրենքով իրեն վերապահված լիազորությունների շրջանակներում աջակցել շենքի լրակառուցման շինարարական աշխատանքներին և անհրաժեշտ փաստաթղթերի տրամադրման գործընթացին: «Դեպի առաջ» բարեգործական հասարակական կազմակերպությունն էլ իր հերթին պարտավորվում է ներդնել անհրաժեշտ ֆինանսական միջոցներ, լրակառուցել շենքը՝ որպես սոցիալական բնակարաններ և կառուցումից հետո այն վերադարձնել համայնքին։
Առաջին հարկը թողնվելու է ընկերությանը՝ սոցիալ-կրթական և արտադրական նպատակներով օգտագործելու համար: Այս մասին մեզ տեղեկացրեց Գյումրու քաղաքապետի մամուլի խոսնակ Սոնա Առաքելյանը։
«Դեպի առաջ» բարեգործական հասարակական կազմակերպությունն արդեն ընտրել է շենքը, այն Գյումրու «Մսի Կոմբինատ» թաղամասի երեք հարկանի կիսակառույցներից մեկն է, որտեղ հնարավոր կլինի 12 սոցիալական բնակարան ունենալ, իսկ առաջին հարկում կհիմնեն կարի արտադրամաս։ Արտադրամասը կօգնի լուծել պատրաստվում ինչպես սոցիալական բնակարան ստացած, այնպես էլ թաղամասի այլ բնակիչների զբաղվածության խնդիրը։ Ե՞րբ կսկսվի շինարարությունը․ Գյումրու քաղաքապետի մամուլի խոսնակՍոնա Առաքելյանն ասաց՝ դեռ հայտնի չէ, հուշագրում մեկնարկի հստակ ժամկետ նշված չէ։
Արմիկ Մովսիսյան
