28.07.2026 | 15:00
Պեսկովն ասել է, թե Փաշինյանը Պուտինին չի հայտնել ԵՄ-ին Հայաստանի անդամակցության հանրաքվեի անցկացման ժամկետները
ՌԴ-ում 53 քրեական գործ է հարուցվել ռուսական բանակի մասին «ֆեյքերի» համար
Քաղաքականություն
24.05.2022 | 20:00
Ռուսաստանի Քննչական կոմիտեն 53 քրեական գործ է հարուցել երկրի Քրեական օրենսգրքի նոր՝ 207.3 հոդվածով (Ռուսաստանի Զինված ուժերի օգտագործման մասին կանխամտածված կեղծ տեղեկությունների հրապարակում), հայտարարել է «Ագորա» իրավապաշտպան խմբի ղեկավար Պավել Չիկովը, գրում է BBC-ի ռուսական ծառայությունը։
Նրա տվյալներով՝ «ֆեյքերի» մասին գործերը հետաքննվում են Ռուսաստանի 27 մարզերում։ Նման գործերով 13 մեղադրյալ կալանավորված է, ևս 12-ը Ռուսաստանում չէ։
Հիշեցնենք, որ Ուկրաինայում ՌԴ ռազմական գործողությունների մեկնարկից հետո նախագահ Վլադիմիր Պուտինն օրենք է ստորագրել, որը քրեականացնում է Ռուսաստանի զինված ուժերի մասին «կեղծ լուրերը և հակառուսական պատժամիջոցներ կիրառելու կոչերը»։
Նոր օրենքը նախատեսում է պատասխանատվություն 700 հազարից մինչև 1,5 միլիոն ռուբլի տուգանք կամ 3-ից մինչև 10 տարի ազատազրկում Ռուսաստանի զինված ուժերի մասին գիտակցաբար սուտ տեղեկություններ տարածելու համար։
Տաթև Ֆռանգյան
