20.08.2026 | 16:06
Ազատ ոճի հայ ըմբիշներն անհաջող մեկնարկեցին Մ-20 ԱԱ-ում
Ստոլտենբերգը հայտարարել է, որ Թուրքիան ՆԱՏՕ-ի կարևոր ռազմավարական անդամն է
Քաղաքականություն
24.05.2022 | 19:04
Թուրքիան ՆԱՏՕ-ի կարևոր ռազմավարական անդամն է, դրա համար անհրաժեշտ է հաշվի առնել նրա մտահոգությունները դաշինքին Ֆինլանդիայի ու Շվեդիայի անդամակցության դիմումների հետ կապված։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը, գրում swissinfo-ն։
«Թուրքիան մտահոգություն է հայտնել՝ կապված ահաբեկչության, անվտանգության ոլորտում շահերի թեմաների հետ, և մենք պետք է անենք այն, ինչ միշտ ենք անում ՆԱՏՕ-ում՝ ուշադրություն դարձնենք նրան, ինչն անհանգստություն է առաջացնում դաշնակցի մոտ»,- ասել է Ստոլտենբերգը Դավոսի տնտեսական ֆորումի ընթացքում ունեցած ելույթում։
Նա վստահություն է հայտնել, որ հնարավոր է ուղիներ գտնել՝ այդ հարցերը լուծելու համար։
«Թուրքիան կարևոր դաշնակից է, ռազմավարական աշխարհագրական դիրքն այդ երկիրը կարևոր է դարձնում ամբողջ դաշինքի համար»,- ասել է Ստոլտենբերգը։
CNN-ի փոխանցմամբ էլ՝ ՆԱՏՕ-ի ղեկավարը վստահություն է հայտնել, որ կհաջողվի լուծել Թուրքիայի մտահոգությունները՝ կապված դաշինքին միանալու Ֆինլանդիայի և Շվեդիայի դիմումների հետ: Նա հավելել է, որ լավատես է՝ ՆԱՏՕ-ն կողջունի երկու երկրներին որպես դաշինքի անդամներ:
Էմմա Չոբանյան
