13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Շոյգուն խոստացել է ՀԱՊԿ դաշնակիցներին «համակողմանի աջակցություն ցուցաբերել»՝ պաշտպանելու ինքնիշխանությունը
Քաղաքականություն
24.05.2022 | 14:44
Ռուսաստանը համակողմանի աջակցություն կցուցաբերի ՀԱՊԿ դաշնակիցներին՝ չեզոքացնելու առաջացող սպառնալիքները և պաշտպանելու ինքնիշխանությունը։ Այս մասին հայտարարել է ՌԴ պաշտպանության նախարար Սերգեյ Շոյգուն ՀԱՊԿ պաշտպանության նախարարների խորհրդի նիստի ժամանակ, որն ընթանում է տեսակոնֆերանսի ձևաչափով, փոխանցում է ՌԻԱ Նովոստին։
«Արևմտյան երկրները նպատակաուղղված աշխատանք են տանում՝ ՀԱՊԿ երկրների միջև դաշնակցային հարաբերությունները խաթարելու համար։ Մենք գիտենք, թե ինչ ճնշում է գործադրվում մեր դաշնակիցների վրա։ Օգտագործվում են չքողարկված սպառնալիքներ, շանտաժ, ինտրիգներ։ Այս ամենը մեզանից պահանջում է է՛լ ավելի մեծ համախմբվածություն, գործողությունների ավելի ակտիվ ու ճշգրիտ համակարգում։ Ռուսաստանը կշարունակի անհրաժեշտ օգնություն ցուցաբերել իր դաշնակիցներին՝ չեզոքացնելու առաջացող սպառնալիքները և պաշտպանելու ինքնիշխանությունը»,- ասել է Շոյգուն։
Նշենք, որ տեսակոնֆերանսի ձևաչափով ընթանում է ՀԱՊԿ անդամ պետությունների պաշտպանության նախարարների խորհրդի նիստը, որը նախագահում է ՀՀ ՊՆ ղեկավար Սուրեն Պապիկյանը։
Տաթև Ֆռանգյան
