17.01.2026 | 13:45
UFC-ի չեմպիոն Իլյա Տոպուրիան հայտնել է՝ երբ է վերադառնալու օկտագոն
ԱՄՆ-ը վստահ է, որ Ֆինլանդիան և Շվեդիան կարող են լուծել ՆԱՏՕ-ին անդամակցելու շուրջ Թուրքիայի մտահոգությունները
Քաղաքականություն
24.05.2022 | 18:05
ԱՄՆ-ը վստահ է, որ Ֆինլանդիան և Շվեդիան կարող են լուծել Թուրքիայի մտահոգությունները ՆԱՏՕ-ին անդամակցության հարցի շուրջ։ Այս մասին հայտարարել է ԱՄՆ պաշտպանական գերատեսչության ղեկավարի տեղակալ Քեթլին Հիքսը, գրում է Reuters-ը։
«Մենք վստահ ենք, որ Ֆինլանդիան և Շվեդիան կկարողանան ուղղակիորեն լուծել այդ մտահոգությունները թուրքերի հետ»,- ասել է Հիքսը Օսլոյում նորվեգացի գործընկերոջ հետ հանդիպմանը։
Հիշեցնենք, որ Անկարան ավելի վաղ զարմացրել էր ՆԱՏՕ-ին՝ դեմ գնալով դաշինքին Շվեդիայի և Ֆինլանդիայի անդամակցությանը։ Թուրքիայի նախագահ Ռեջեփ Թայիփ Էրդողանն էլ այս երկու երկրներին բազմիցս մեղադրել է ահաբեկիչներին սատարելու մեջ։
Հավելենք, որ թուրքական մամուլում տեղեկություններ են տարածվում, որ այսօր Շվեդիայից ու Ֆինլանդիայից պատվիրակություններ են ժամանելու Անկարա՝ ՆԱՏՕ-ին անդամակցելու շուրջ բանակցելու համար։
Էմմա Չոբանյան
