20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Կուլեբան հայտարարել է, որ Ուկրաինան դեռ բավականաչափ սպառազինություն չունի
Քաղաքականություն
24.05.2022 | 16:38
Ուկրաինայի ԱԳ նախարար Դմիտրի Կուլեբան թվիթերյան իր էջում գրել է, որ Ուկրաինան դեռևս զենքի և զինամթերքի պակաս ունի, գրում է BBC-ի ռուսական ծառայությունը։
«Չափազանց վաղ է եզրակացություն անել, որ Ուկրաինան արդեն ունի անհրաժեշտ բոլոր զինատեսակները։ Ռուսական հարձակումը Դոնբասի վրա անխնա ճակատամարտ է՝ ամենախոշորը եվրոպական հողում Երկրորդ համաշխարհային պատերազմից հետո։ Կոչ եմ անում գործընկերներին՝ արագացնել զենքի ու զինամթերքի մատակարարումները, հատկապես՝ հրթիռային համակարգերի, հեռահար հրետանու, զրահափոխադրիչների մատակարարումը»,- գրել է Կուլեբան։
Նշենք, որ նախօրեին տեղի է ունեցել Ուկրաինայի դաշնակից երկրների ամենամսյա հանդիպումը ռազմական օգնության համակարգման վերաբերյալ, որից հետո հայտարարվել է «Հարպուն» թևավոր հրթիռների շուտափույթ փոխանցման մասին։
Էմմա Չոբանյան
