09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ռուսաստանը պաշտոնապես կզրկվի «Եվրատեսիլ»-ին մասնակցելու իրավունքից
Քաղաքականություն
24.05.2022 | 17:48
Ռուսաստանը կկորցնի առաջիկա տարիներին «Եվրատեսիլ» երգի միջազգային մրցույթին մասնակցելու իրավունքը։ Այս մասին գրում է The Journal-ի իռլանդական հրատարակությունը՝ վկայակոչելով Եվրոպական հեռարձակողների միության գլխավոր տնօրեն Նոել Կուրանին։
Նրա խոսքով՝ այսօր Ռուսաստանի՝ մրցույթից հեռացնելու գործընթացը շարունակվում է։
«Կարծում եմ՝ մեզ համար պարզ է, որ մենք չենք կարող ստիպել Ռուսաստանին մասնակցել մրցույթին»,- ասել է Կուրանը։
Հայտնի է, որ Եվրոպական հեռարձակողների միությունը ներկայում քայլեր է ձեռնարկում ռուսական հեռարձակողների գործունեությունը մշտապես դադարեցնելու ուղղությամբ։ Այս մասին արդեն ծանուցվել է Ռուսաստանի Դաշնությունը։ Որոշումը կհաստատվի գործադիր խորհրդի՝ ամսվա վերջին կայանալիք նիստում։
Հիշեցնենք, որ Ռուսաստանի Դաշնությանը հեռացրել են մրցույթից 2022 թվականին փետրվարի 25-ին՝ Ուկրաինայում ՌԴ ռազմական գործողությունների երկրորդ օրը։
Եվրոպական հեռարձակողների միությունը հայտարարել է, որ բացառումը պայմանավորված է «այն արժեքներով, որոնց վրա հիմնված է EBU-ն»։
Տաթև Ֆռանգյան
