07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Time. Ռաֆայել Հարությունյանի սանը և Նադալը՝ աշխարհի 100 ամենաազդեցիկ մարդկանց ցուցակում
24.05.2022 | 15:02
Time ամսագիրը հրապարակել է աշխարհի 100 ամենաազդեցիկ մարդկանց ամենամյա ցուցակը, որում ընդգրկվել են թենիսի երկու ներկայացուցիչներ՝ իսպանացի Ռաֆայել Նադալը և չինացի Պենգ Շուայը․ գրում է armsport-ը։
Երկու մարզիկներն էլ ընդգրկվել են «իկոնա» անվանակարգում։ Նադալն առանձնացել է այս տարի «Մեծ սաղավարտի» տիտղոսների քանակով ռեկորդը գերազանցելու համար:
Պեկինի օլիմպիական չեմպիոն ամերիկացի Նաթան Չենը, ով հայ մասնագետ Ռաֆայել Հարությունյանի սանն է, ևս ընդգրկվել է ցուցակում։ Մարզիկների թվում են նաև ամերիկացի պրոֆեսիոնալ բասկետբոլիստ Քենդեյս Պարկերը և Պեկինի կրկնակի օլիմպիական չեմպիոն, չինացի ֆրիսթայլիստ Էյլին Գուն։
Տարվա ամենաազդեցիկ մարդկանց ցուցակում են ընդգրկվել նաև Վլադիմիր Պուտինը, Վլադիմիր Զելենսկին, Ջո Բայդենը, Կեանու Ռիվսը, Քրիս Ջեները, Ադելը, Զենդայան և այլ հայտնի քաղաքական գործիչներ, շոու բիզնեսի ներկայացուցիչներ։
