20.08.2026 | 14:12
26 մլն դոլար, շուրջ 2 մլրդ ռուբլի, 2 մլն եվրո. ինչո՞ւ է Սամվել Կարապետյանն այս գումարը կանխիկ պահում․ ՏԵՍԱՆՅՈՒԹ
Շվեդիայի և Ֆինլանդիայի պատվիրակությունները մեկնում են Թուրքիա՝ քննարկելու ՆԱՏՕ-ին անդամակցության հարցը
Քաղաքականություն
24.05.2022 | 13:41
Ֆինլանդիայի ու Շվեդիայի պատվիրակություններն այսօր ժամանելու են Անկարա՝ Թուրքիայի ներկայացուցիչների հետ քննարկելու ՆԱՏՕ-ին իրենց երկրների անդամակցության հարցը։ Այս մասին հայտնում է A Haber հեռուստաալիքը, որին վկայակոչում է ՏԱՍՍ-ը։
Լրատվամիջոցի տվյալներով՝ սկանդինավյան երկու երկրների պատվիրակությունների հետ հանդիպելու են Թուրքիայի նախագահի գլխավոր խորհրդական և մամուլի խոսնակ Իբրահիմ Քալընն ու ԱԳ փոխնախարար Սեդաթ Օնալը։ Հանդիպումներն անցկացվելու են չորեքշաբթի՝ նախագահական պալատում և ԱԳՆ-ում։
Հիշեցնենք՝ Թուրքիայի նախագահ Ռեջեփ Թայիփ Էրդողանը պարբերաբար հայտարարում է, որ Անկարան դեմ է Շվեդիայի և Ֆինլանդիայի՝ ՆԱՏՕ-ին անդամակցությանը, քանի որ այդ երկրները, իբր, աջակցում են քուրդ ահաբեկիչներին ու հրաժարվում նրանց արտահանձնել Թուրքիային։ Բացի այդ, Էրդողանը նաև նշել է, թե կարիք չկա, որ Շվեդիայի և Ֆինլանդիայի պատվիրակությունները ժամանեն Թուրքիա՝ Անկարային համոզելու համար։
Էմմա Չոբանյան
