09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ռուսաստանն օկուպացրել է Ուկրաինայի տարածքի շուրջ 21%-ը
Քաղաքականություն
24.05.2022 | 16:27
Ռուսաստանն օկուպացրել է Ուկրաինայի տարածքի 20,9%-ը։ Այս մասին գրում է Forbes Ukraine-ը։
Հրապարակման համաձայն՝ Ուկրաինա ռուսական ներխուժումից ի վեր օկուպացված տարածքներն աճել են 2,9 անգամ։ Եթե մինչև փետրվարի 24-ը Ռուսաստանի Դաշնությունը վերահսկում էր Ուկրաինայի տարածքի 7%-ը, ապա այժմ այն կազմում է ընդհանուր տարածքի 20,9%-ը։
Ընդհանուր առմամբ, մոտ 125 հազար քառակուսի կիլոմետրն օկուպացված է՝ մինչ փետրվարի 24-ի ռազմական գործողությունը 43 հազար քառակուսի կիլոմետրի դիմաց։
Օրերս Ռուսաստանի Դաշնությունը հայտարարել է, որ մոտ ապագայում նախատեսում են «հանրաքվե» անցկացնել օկուպացված Դոնբասի տարածքում, ինչի արդյունքում մտադիր են չվերահսկվող շրջանը միացնել Ռուսաստանին։
Տաթև Ֆռանգյան
