29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ջո Բայդենն Ուկրաինայի պատերազմը համաշխարհային խնդիր է անվանել
Քաղաքականություն
24.05.2022 | 14:18
ԱՄՆ նախագահ Ջո Բայդենն ուկրաինական պատերազմը համարում է ոչ միայն եվրոպական, այլև համաշխարհային խնդիր։ Այս մասին նա հայտարարել է Տոկիոյում՝ QUAD գագաթնաժողովի շրջանակում, դաշինք, որը, բացի ԱՄՆ-ից, ներառում է նաև Ավստրալիան, Հնդկաստանը և Ճապոնիան, գրում է DW-ի ռուսական ծառայությունը։
Բայդենն ասել է, որ ինքն ու իր վարչակազմը պայքարելու են ազատ և բաց Հնդկախաղաղօվկիանոսյան տարածաշրջանի համար:
«Ռուսաստանի հարձակումն Ուկրաինայի վրա միայն ընդգծում է միջազգային կարգի, տարածքային ամբողջականության և ինքնիշխանության հիմնարար սկզբունքների նպատակների կարևորությունը։ Միջազգային իրավունքը, մարդու իրավունքները պետք է պաշտպանված լինեն՝ աշխարհի որ ծայրում էլ դրանք խախտվեն»,- ասել է ԱՄՆ ղեկավարը։
Տաթև Ֆռանգյան
