06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ձևը տենց չի, միգուցե առաջարկս քննակեիք․ Անի Խաչատրյանը՝ Լևոն Հովհաննիսյանին․ ՏԵՍԱՆՅՈՒԹ
Քաղաքականություն
24.05.2022 | 11:47
Մեկնարկել է Երևանի ավագանու հերթական նիստը։ Նիստը վարող փոխքաղաքապետ Լևոն Հովհաննիսյանն առաջարկեց հաստատել նիստի օրակարգը, որում ընդգրկված է 25 հարց:
«Միգուցե առաջարկներ ունենք, պարո՛ն Հովհաննիսյան»,- դիմելով նիստը վարող փոխքաղաքապետ Լևոն Հովհաննիսյանին՝ ասաց ավագանու «Լույս» խմբակցության անդամ Անի Խաչատրյանը՝ հիշեցնելով, որ Երևանի քաղաքապետարանը և ավագանին խնդիրներ լուծելու համար են և ոչ թե խնդիրներ առաջացնելու:
«Մենք իրավունք չունենք դպրոցներ, մանկապարտեզներ և այս դեպքում պոլիկլինիկա փակելու… Առաջարկում եմ վերանորոգել և սարքել պոլիկլինիկան և ոչ թե փակել և ծախել»,- նշեց Խաչատրյանը՝ հավելելով, որ Կոնդի բնակիչները այս պահին Երևանի քաղաքապետարանի դռան դիմաց են և իրենց բողոքի ձայնն են բարձրացնում պոլիկլինիկայի փակման հարցի հետ կապված:
Փոխքաղաքապետը կրկին առաջարկեց հաստատել նիստի օրակարգը:
«Ձևը տենց չի, միգուցե առաջարկս քննարկեիք»,- դիմելով փոխքաղաքապետ Լևոն Հովհաննիսյանին՝ ասաց Խաչատրյանը։
Մանրամասները՝ տեսանյութում:
