08.06.2026 | 10:04
Ամփոփվել են 2005 ընտրատեղամասերից ստացված նախնական արդյունքները. ԿԸՀ
Շվեդիայի վարչապետն Էրդողանի հետ հեռախոսազրույցը դրական է որակել ՆԱՏՕ-ին Ստոկհոլմի անդամակցության առումով
Քաղաքականություն
23.05.2022 | 19:54
ՆԱՏՕ-ին Շվեդիայի անդամակցության հարցով Անկարայի հետ բանակցություններն ավելի շատ ժամանակ կպահանջեն, սակայն Թուրքիայի նախագահ Ռեջեփ Թայիփ Էրդողանի հետ վերջին հեռախոսազրույցը «լավ և դրական» էր։ Այս մասին հայտարարել է Շվեդիայի վարչապետ Մագդալենա Անդերսոնը շվեդական պաշտոնական TT գործակալության հետ զրույցում, գրում է USA today-ը։
Նա նշել է, որ անհամբերությամբ սպասում է Անկարայի հետ առաջիկա բանակցություններին։
Էրդողանն ավելի վաղ բողոքել էր Շվեդիայից ու Ֆինլանդիայից՝ նշելով, որ նրանք աջակցում են Քուրդիստանի աշխատավորական կուսակցությանը (PKK) և այլ խմբավորումներին։ Անդերսոնն ասել է, որ Շվեդիան առաջին երկրներից է, որը PKK-ն ահաբեկչական է ճանաչել։
Անցյալ շաբաթ Շվեդիան և Ֆինլանդիան պաշտոնապես դիմել են ՆԱՏՕ-ին միանալու համար, ինչը պայմանավորված է Ուկրաինայի դեմ Ռուսաստանի պատերազմով: Նոր անդամների համար անհրաժեշտ է ՆԱՏՕ-ի բոլոր անդամների համաձայնությունը: Թուրքիան, սակայն, դեմ է այս երկրների անդամակցությանը՝ դրա համար իր պայմաններն առաջադրելով։
Էմմա Չոբանյան
