27.02.2026 | 23:31
Ստեփանծմինդա-Լարս ավտոճանապարհը փակ է
ՌԴ-ի կողմից գրավված Ուկրաինայի Խերսոնի մարզում երկարժութային գոտի է սահմանվել
Քաղաքականություն
23.05.2022 | 21:30
Այսօրվանից ՌԴ-ի կողմից գրավված Ուկրաինայի Խերսոնի մարզում երկարժութային գոտի է մտցվել, գրիվնայի հետ միասին կօգտագործվի նաև ռուսական ռուբլին։ BBC-ի փոխանցմամբ՝ այս մասին հայտնել է մարզի ռազմաքաղաքացիական վարչակազմի ղեկավար Վլադիմիր Սալդոն։
«Այսօր կհրապարակվի հրամանագիր, որն օրինականացնում է Խերսոնի մարզում երկարժույթի շրջանառության ներդրումը, ինչը նշանակում է, որ բոլոր առևտրականները նախ իրավունք ունեն, այնուհետև պարտավոր կլինեն գնային պիտակները փակցնել երկու արժույթով՝ գրիվնայով և ռուսական ռուբլով»,- ասել է Սալդոն։
Փոխարժեքը կսահմանվի 2 ռուբլի՝ 1 գրիվնայի դիմաց, հայտնել է վարչակազմի ղեկավարը։ Սա մոտավորապես համապատասխանում է գրիվնայի նկատմամբ ռուբլու փոխարժեքին, որը սահմանել է Ռուսաստանի Կենտրոնական բանկը։
Սալդոն նաև հայտարարել է, որ մոտ ապագայում Խերսոնում կբացվի ռուսական բանկերից մեկի առաջին մասնաճյուղը, որը կսկսի հաշիվներ բացելու համար դիմումների ընդունումը։
Տաթև Ֆռանգյան
