16.09.2026 | 18:18
Ինչ տեսանք Ադրբեջանի պաշտոնյայի կողմից անընդունելի է. Փաշինյանը` Հաջիևի մասին․ ՏԵՍԱՆՅՈՒԹ
Բելառուսը երկարաձգել է զորավարժությունները Ուկրաինայի հետ սահմանին
Քաղաքականություն
23.05.2022 | 19:21
Բելառուսի զինված ուժերը մինչև մայիսի 28-ը երկարաձգել են զորավարժությունները Ուկրաինայի և արևմտյան երկրների հետ սահմանին։ Այս մասին հայտնում են բելառուսական Telegram ալիքները՝ վայակոչելով բելառուսական զորավարժությունների ժամանակացույցը։
Բացի այդ, մայիսի 22-ին Բելառուսում երեք «Իսկանդեր» օպերատիվ-մարտավարական հրթիռային համակարգ է տեղակայվել Ուկրաինայի հետ սահմանին: Նախապատրաստական աշխատանքներ են տարվում նաև հունիսին կայանալիք լայնամասշտաբ զորավարժությունների համար, այդ թվում՝ թերթիկներ են ուղարկվել ռեզերվում գտնվող քաղաքացիական անձանց:
Նշվում է, որ չնայած զորավարժությունների ժամկետի ավելացմանը՝ բելառուսական բանակը դեռ պատրաստ չէ հարձակողական ռազմական գործողության, սակայն ավելի պատրաստված է պաշտպանությանը։
Բելառուսի Պաշտպանության նախարարությունը հայտնել է, որ իրենց բանակում սկսվել է «արագ արձագանքնման ուժերի ստուգման» հաջորդ փուլը, որը ներառում է զինամթերքի ու տեխնիկայի դուրսբերումը պահեստներից և դրանցով ստուգիչ վազք անցկացնելը տարբեր երկարությամբ երթերի ժամանակ։
Հաղորդվում է, որ Բելառուսում զինվորական ծառայության համար պատասխանատու անձանց զորակոչ չի նախատեսվում։
Տաթև Ֆռանգյան
