14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ադրբեջանում Արցախյան 44-օրյա պատերազմի հերթական մասնակիցն է կյանքին վերջ տվել
Քաղաքականություն
23.05.2022 | 18:43
Ադրբեջանում Արցախյան երկրորդ պատերազմի մասնակիցների շրջանում ինքնասպանության հերթական դեպքն է տեղի ունեցել։ Ադրբեջանական լրատվամիջոցները հայտնում են, որ դեպքը տեղի է ունեցել Բիլյասուվարի շրջանում։ Սարըջլար գյուղի բնակիչ, 1995 թվականին ծնված Ալիսահիբ Մամեդովն իր տան բակում կախվելու միջոցով ինքնասպանություն է գործել։
Հաղորդվում է, որ նա մասնակցել Արցախյան 44-օրյա պատերազմին, ամուսնացած էր։
Հավելենք, որ Արցախյան պատերազմի ադրբեջանցի մասնակիցների շրջանում ինքնասպանության տասնյակից ավելի դեպքեր են գրանցվել։ Բացի այդ, իշխանությունների անտարբերության ու տարբեր խնդիրների լուծման անկարողության պատճառով շատերը դիմել են ինքնասպանության փորձերի։
Պարբերաբար նաև պատերազմի մասնակիցները բողոքի տարբեր ակցիաներ են կազմակերպում։
Էմմա Չոբանյան
