22.04.2026 | 22:45
Թուրք լրագրողի համար դատախազությունը պատիժ է պահանջում` հայ երիտասարդների հետ Ցեղասպանության հետ կապված զրույցի համար
Հելսինկին ակնկալում է, որ Ֆինլանդիայի՝ ՆԱՏՕ-ին անդամակցության հարցը Թուրքիայի հետ կլուծվի մի քանի շաբաթում
Քաղաքականություն
23.05.2022 | 17:39
Ֆինլանդիայի ԱԳ նախարար Պեկկա Հաավիստոն հայտարարել է, որ ակնկալում է՝ ՆԱՏՕ-ին Ֆինլանդիայի անդամակցության վերաբերյալ հարցերը Հելսինկիի և Անկարայի միջև կլուծվեն, բայց դա կարող է շաբաթներ պահանջել, գրում է Bianet-ը։
«Մի քանի օր առաջ ես ասացի, որ դա առնվազն օրերի հարց է լինելու։ Ուստի, զգուշանալու համար հիմա կարելի է ասել, որ շաբաթների հարց է լինելու։ Ես լավատես եմ, որ խնդիրները կլուծվեն, բայց դա կարող է որոշ ժամանակ պահանջել»,- ասել է ԱԳ նախարարը՝ նշելով, որ ավելի ուշադիր են հետևելու Քուրդիստանի աշխատավորական կուսակցության (PKK) գործունեությանը։
«Մենք կարող ենք Թուրքիային նման երաշխիքներ տալ։ Քանի որ PKK-ն Եվրոպայում ներառված է ահաբեկչական կազմակերպությունների ցանկում, կարևոր է, որ մենք անենք մեր մասը՝ թույլ չտալու Ֆինլանդիայի տարածքում ահաբեկչական գործողության որևէ նախապատրաստություն»,- ասել է Պեկկա Հաավիստոն։
Պաշտոնյայի այս հայտարարությունները հաջորդում են Թուրքիայի և Ֆինլանդիայի նախագահների հեռախոսազրույցին։
Հիշեցնենք, որ Անկարան դեմ է ՆԱՏՕ-ին Ֆինլանդիայի և Շվեդիայի ՆԱՏՕ-ին անդամակցությանը։ Թուրքիայի Ռեջեփ Թայիփ Էրդողանը երկու երկրներին մեղադրում է «քուրդ ահաբեկիչներին» սատարելու մեջ։
Էմմա Չոբանյան
