09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Բաղդադը պարուրվել է հսկա փոշու ամպով․ Իրաքում հերթական ավազային փոթորիկն է գրանցվել
Քաղաքականություն
23.05.2022 | 20:31
Իրաքում այսօր ժամանակավորապես փակվել են հասարակական վայրերն ու օդանավակայանները, քանի որ հերթական ավազային փոթորիկը, որն ապրիլի կեսերից ի վեր արդեն իններորդն է, հարվածել է երկրին, հայտնել են տեղի իշխանությունները: Մայրաքաղաք Բաղդադը պարուրվել է հսկա փոշու ամպով, իսկ սովորաբար երթևեկությամբ ծանրաբեռնված փողոցները դարձել են ամայի, հայտնել է AFP-ի թղթակիցը:
Վարչապետ Մուսթաֆա ալ-Քադեմին կարգադրել է դադարեցնել բոլոր աշխատանքները հանրային հաստատություններում, բացառությամբ՝ առողջապահական հաստատությունների և անվտանգության գործակալությունների: Նա իր գրասենյակի կողմից հրապարակված հայտարարության մեջ մեջբերել է «վատ կլիմայական պայմանները և ուժգին ավազային փոթորիկների ժամանումը»:
Իրաքը դասվում է կլիմայի փոփոխության և անապատացման համար ամենախոցելի հինգ երկրների թվին:
Երկրի Շրջակա միջավայրի նախարարությունը նախազգուշացրել է, որ առաջիկա երկու տասնամյակների ընթացքում Իրաքը կարող է ստիպված լինել տարեկան միջինը 272 օր դիմակայել ավազի փոթորիկներին, որոնք մինչև 2050 թվականը կհասնեն 300-ի:
Երկուշաբթի դադարեցվել է օդային հաղորդակցությունը Բաղդադի, Էրբիլի և Նաջաֆի միջազգային օդանավակայաններում։
Տաթև Ֆռանգյան
