09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Դաղստանում աշակերտուհին միջոցառման ժամանակ հայտարարել է՝ «Ազատություն Ուկրաինային, Պուտինը սատանա է»․ նա ստիպված է եղել ներողություն խնդրել տեսախցիկի առաջ
Քաղաքականություն
23.05.2022 | 18:04
Դաղստանում Վերջին զանգին նվիրված դպրոցական միջոցառման ժամանակ շրջանավարտը դեմ է արտահայտվել Ուկրաինայում պատերազմին։ Միջադեպից կարճ ժամանակ անց սոցցանցերում տեսանյութ է հայտնվել, որում աղջիկը, ինչպես նաև նրա մայրը ներողություն են խնդրում։ Լրատվամիջոցների տեղեկություններով՝ իրավիճակին միջամտել է անգամ Դաղստանի ղեկավար Սերգեյ Մելիքովը, գրում է BBC-ի ռուսական ծառայությունը։
Նախօրեին «Ոչ տիպիկ Մախաչկալա» խմբում դպրոցներից մեկից տեսանյութ է հրապարակել, որում աշակերտներից մեկը բարձրախոսով խոսում է՝ հայտարարելով․ «Ո՛չ պատերազմին, ազատություն Ուկրաինային, Պուտինը սատանա է»։ Գրառման մեջ ասվում է, որ տեսանյութը նկարահանվել է Իզբերբաշ քաղաքի թիվ 11 միջնակարգ դպրոցում՝ Վերջին զանգի միջոցառման ժամանակ։
Շուտով Դաղստանի հանրային տիրույթում տեսանյութեր են հայտնվել, որտեղ աշակերտուհին հրապարակային ներողություն է խնդրում։ Տելեգրամյան ալիքներից մեկում հրապարակված տեսանյութում նա ներկայանում է և ասում, որ զղջում է իր արարքի համար։
«Ուզում էի ուղղակի ուշադրություն հրավիրել ինձ վրա։ Վերջին ժամանակաշրջանում անհանգստանում էի քննությունների պատճառով, և այս ամենի ֆոնին կռվել էի մորս հետ, ընդունում եմ սխալս և ներողություն եմ խնդրում բոլորի տոնը փչացնելու համար»,- տեսանյութում ասում է աղջիկը։
Տաթև Ֆռանգյան
