26.03.2026 | 23:44
Քարաթափում Սիսիան-Լծեն-Տաթև ավտոճանապարհին
Իրանում 10 հարկանի շենք է փլուզվել․ փլատակների տակ մարդիկ են մնացել․ ԼՈՒՍԱՆԿԱՐՆԵՐ
Քաղաքականություն
23.05.2022 | 16:32
Երկուշաբթի կեսօրին Իրանի Աբադանի քաղաքի Ամիրի փողոցում գտնվող «Մետրոպոլ» զույգ շենքերից մեկը փլուզվել է, գրում է Tasnim news agency-ն։
Առնվազն երեք մարդ զոհվել է, ևս մի քանիսը վիրավորվել է միջադեպի հետևանքով, որը, հավանաբար, գրանցվել է սխալ նախագծման և շինարարության պատճառով: Փրկարարական խմբերը փլուզված 10 հարկանի շենքի փլատակների տակ ողջ մնացածների են որոնում․ ենթադրվում է, որ մոտ 50 մարդ մնացել է փլատակների տակ:
Մինչ անհայտ կորածների ընտանիքների անդամները հուսահատ պատասխաններ են փնտրում, շենքի սեփականատերը և այն կառուցած կապալառուն ձերբակալվել են։
Փողոցում կայանված բազմաթիվ մեքենաներ մնացել են փլատակների տակ։ Աղետի վայր են ուղարկվել Աբադանից և մոտակա քաղաքներից շտապօգնության մեքենաներ, եղանակային վատ պայմանները խոչընդոտել են ուղղաթիռների թռիչքը։
Տաթև Ֆռանգյան
