09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ուկրաինային 5-7 տարի կպահանջվի ականազերծման համար
Քաղաքականություն
23.05.2022 | 17:05
Ուկրաինայից, լավագույն դեպքում, 5-7 տարի կպահանջվի` մարտերից հետո մնացած ականներն ու չպայթած զինամթերքը գտնելու և վնասազերծելու համար: Նման գնահատական է ներկայացրել երկրի ՆԳՆ-ն։ Այստեղ կարծում են, որ սակրավորները պետք է ուսումնասիրեն 300 հազար քառակուսի կիլոմետր տարածք, հաղորդում է Euronews-ը։
«Ես որոշեցի ռիսկի դիմել ու եկա այստեղ՝ տներում կարգ ու կանոն հաստատելու համար։ Ահա այսպես։ Երկու օր առաջ եկել եմ այստեղ։ Գնդակոծությունների ձայներին ուշադրություն չենք դարձնում։ Այս ամենը պարզ է՝ ես արդեն գիտեմ, թե ինչ է նշանակում 122 տրամաչափը, ինչ է 152 տրամաչափը… Իսկ 155 տրամաչափերը հենց նոր հայտնվեցին»,- պատմել է Խարկովի մարզի թոշակառուներից մեկը։
«Հիմա մենք պետք է մի քիչ հոգեբան էլ լինենք։ Ինչ-որ մեկին պետք է հանգստացնել, ինչ-որ մեկին մի փոքր օգնություն է պետք: Երբեմն պարզապես ջուր տալ մարդուն խմելու, և նա կհանգստանա։ Որոշ մարդկանց պարզապես պետք է ինչ-որ մեկի հետ խոսել»,- կիսվել է սակրավորներից մեկը։
Սակրավորների խմբի կողմից հայտնաբերված զինամթերքը դուրս է բերվում հեռավոր շրջաններ և ոչնչացվում անվտանգ վայրերում։ Ուկրաինայի ՆԳՆ-ի տվյալներով՝ գործում են նաև օտարերկրյա մասնագետների խմբեր՝ աջակցելու երկրում տարածքի ականազերծմանը։
Տաթև Ֆռանգյան
