20.11.2024 | 09:31
ՀՀ տարածքում ավտոճանապարհներն անցանելի են
ՔՏՀԱ տեսչական մարմնի բացահայտած իրավախախտումները. 2022 թ. 1-ին եռամսյակ
23.05.2022 | 15:12
2022 թվականի առաջին եռամսյակում վերահսկողական գործառույթների շրջանակներում քաղաքաշինության, տրանսպորտային անվտանգության, Էներգետիկայի և էներգասպառման, տեխնիկական և հրդեհային անվտանգության բնագավառների վերաբերյալ կազմվել է 287 վարչական արձանագրություն, կայացվել 438 որոշում․ տեղեկացնում են ՔՏՀԱ-ից։
Ըստ բնագավառների վարչական արձանագրությունների և ընդունված որոշումների թվային պատկերը ստորև․
Տրանսպորտային անվտանգության բնագավառ
Տրանսպորտային օրենսդրության պահանջների խախտումների վերաբերյալ կազմվել է 198 արձանագրություն (ստուգման ակտ): Կայացվել են 229 որոշում՝ վարչական տույժ նշանակելու և 2 որոշում՝ վարչական իրավախախտման վերաբերյալ գործի վարույթը կարճելու վերաբերյալ:
Էներգետիկայի և էներգասպառման բնագավառ
Իրականացված վերահսկողական միջոցառումների արդյունքում էներգետիկայի և էներգասպառման բնագավառի օրենսդրության պահանջների խախտումների վերաբերյալ կազմվել է 6 արձանագրություն (ստուգման ակտ)։ Կայացվել է 7 որոշում՝ վարչական տույժ կիրառելու մասին։ Վարչական վարույթը կարճելու մասին որոշում չի կայացվել։
Տեխնիկական և հրդեհային անվտանգության բնագավառ
2022 թվականի առաջին եռամսյակում կազմվել է վարչական իրավախախտման վերաբերյալ 19 արձանագրություն։ Կայացվել են 64 որոշում՝ վարչական տույժ կիրառելու և 5 որոշում՝ վարչական իրավախախտման վերաբերյալ գործի վարույթը կարճելու մասին։
Քաղաքաշինության բնագավառ
2022 թվականի առաջին եռամսյակում կազմվել է վարչական իրավախախտման վերաբերյալ 64 արձանագրություն։ Կայացվել են 129 որոշում՝ վարչական տույժ կիրառելու և 2 որոշում՝ վարչական իրավախախտման վերաբերյալ գործի վարույթը կարճելու մասին:
Հաշվետու ժամանակահատվածում վարչական տույժերի արդյունքում նշանակվել է 34 միլիոն 939 հազար դրամի տուգանք, որից 15 միլիոն 555 հազարը՝ տեխնիկական և հրդեհային անվտանգության, 11 միլիոն 450 հազարը՝ քաղաքաշինության, 7 միլիոն 534 հազարը՝ տրանսպորտային անվտանգության, 400 հազարը՝ էներգետիկայի և էներգասպառման բնագավառից։
