20.08.2026 | 16:06
Ազատ ոճի հայ ըմբիշներն անհաջող մեկնարկեցին Մ-20 ԱԱ-ում
Ի՞նչ վիճակում է այժմ Շուշիի Սուրբ Ամենափրկիչ եկեղեցին
Քաղաքականություն
23.05.2022 | 23:30
Հայկական Armenian Military Portal տելեգրամյան ալիքը ԱԹՍ-ով արված տեսանյութ է հրապարակել Արցախի գրավյալ հայկական Շուշի քաղաքից, որտեղ երևում է նաև, թե վիճակում է Սուրբ Ամենափրկիչ (Ղազանչեչոց) եկեղեցին։
Հիշեցնենք, որ 44-օրյա պատերազմի ընթացքում՝ 2020 թվականի հոկտեմբերի 8-ին եկեղեցին երկու անգամ թիրախային հրթիռակոծության էր ենթարկվել ադրբեջանական ուժերի կողմից, այնուհետև ադրբեջանցիները հանել էին եկեղեցու գմբեթն ու հայտարարել ինչ-որ անհասկանալի ռեստավրացիայի մասին։
Նշենք, որ Human Rights Watch իրավապաշտպան կազմակերպությունը նույնիսկ զեկույց էր հրապարակել Սուրբ Ամենափրկիչ եկեղեցու հրթիռակոծության մասին՝ այն համարելով պատերազմական հանցագործություն։
Հրապարակված կադրերից երևում է, որ Ադրբեջանը որևէ աշխատանք չի իրականացրել, հրթիռակոծության հետևանքով տանիքը շարունակում է մնալ կիսավեր, որոշ հատվածներում նույնիսկ բուսածածկույթ է աճել։ Հայկական եկեղեցին, փաստորեն, մնում է անմխիթար վիճակում։
Հավելենք, որ Ադրբեջանն ամեն կերպ շարունակում է խոչընդոտել ՅՈՒԿԵՍԿՕ-ի առաքելության այցին Արցախ ու նրա գրավյալ տարածքներ, փոխարենը զբաղվում է հայկական հոգևոր ու մշակութային ժառանգության կոթողների նենգափոխմամբ։
Էմմա Չոբանյան
