Հիմնանորոգման աշխատանքներ են Սայաթ-Նովայի անվան երաժշտական դպրոցում

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Երևանի քաղաքապետարանից տեղեկացնում են, որ Սայաթ-Նովայի անվան երաժշտական դպրոցում հիմնանորոգման աշխատանքներ են  սկսվել։

«Սայաթ-Նովայի անվան երաժշտական դպրոցը գործում է 1934 թվականից: Շենքը նախագծել է Թամանյանի որդին՝ Գևորգ Թամանյանը: Թամանյանական ձեռագիրն այստեղ ընդգծված է դռներից մինչև դահլիճի ձևավորում: Տարիների ընթացքում շենքը մասնակի նորոգվել է, բայց դրանով հիմնախնդիրները չեն լուծվել:

«Արդեն 40 տարուց ավելի այս շենքում որևէ լոււրջ փոփոխություն չի եղել: Նորոգումները եղել են դպրոցի խնայողությունների հաշվին՝ պարբերաբար այս կամ այն հատվածում»,-ասում է Սայաթ-Նովայի անվան երաժշտական դպրոցի տնօրեն Տիգրան Հեքեքյանը:

Երևանի քաղաքապետարանի նախաձեռնությամբ այս տարի դպրոցում շինարարական եռուզեռ է: Աշխատանքների ընթացքը քաղաքապետի առաջին տեղակալ Լևոն Հովհաննիսյանի անմիջական հսկողությամբ է:

«Մոտ 25 մլն դրամ է մեր տարեկան բյուջեից հատկացվել այս կենտրոնի նորոգմանը: Վերջին անգամ այստեղ հիմնանորոգում է իրականացվել 1980-ական թվականներին: Կարծում եմ, մոտ ժամանակներս աշխատանքները կավարտվեն: Իհարկե, այս բնույթի աշխատանքները շարունակական են լինելու, որպեսզի մեր երեխաները, մեր համաքաղաքացիները հարմարավետ պայմաններում ստանան երաժշտական և մշակութային գիտելքներ և հաճույքով հաճախեն կենտրոններ»,-ընդգծում է Լևոն Հովհաննիսյանը:

Այս տարվա ծրագրով կհիմնանորոգվեն դպրոցի սանհանգույցները, խմբակային պարապմունքների դասասենյակները: Կփոխվեն ու միանման կդառնան հնամաշ պատուհանները: Դրանք կլինեն փայտագույն ու շենքին համահունչ: Կնորոգվեն, կհարդարվեն պատերը: Տաղանդաշատ երեխաներին ու հանդիսատեսին ամբողջությամբ նորոգված կդիմավորի դպրոցի օվալաձև դահլիճը:

«Հատակը, պատերը կհարդարվեն, կդրվեն երկրորդ ձայնամեկուսիչ դռներ, որովհետև համերգի ժամանակ շենքի ձայները լսվում են: Դահլիճն իրավունք ունի լինելու լավ վիճակում, քանի որ այն Հայաստանի լավագույն դահլիճներից է և տեսքի, և ձայնային առումով: Երեխաները կրթվում են ոչ միայն ականջներով, այլև աչքով, և մենք ուզում ենք, որ անհամաչափություն չլինի: Գեղեցիկ միջավայր կստանանք, որն, առնվազն, 1, 2 տասնամյակ կծառայի»,-նշում է Տիգրան Հեքեքյանը:

Պատմամշակութային շենքում աշխատելիս կարևոր սկզբունքներից մեկը ժառանգածը պահպանելն ու վերականգնելն է: Աշխատանքների որոշակի ծավալներ կվերանայվեն ու կավելացվեն: Շենքային պայմաններից բացի Լևոն Հովհաննիսյանը նաև գույքային խնդիրներն է նկատում:

«Վերանորոգումն ավարտելուց հետո կանդրադառնանք նաև գույքին: Կտեսնենք, թե կոշտ գույքի առումով ինչ խնդիր ունենք և որոշակի չափով կհամալրենք»,-նշում է Լևոն Հովհաննիսյանը:
Սայաթ-Նովայի անվան երաժշտական դպրոցում սովորում է շուրջ 450 սան: Պայմանների բարելավումը կարևոր է ոչ միայն նրանց, այլև մանկավարժների համար: Քաղաքային իշխանությունը փուլ առ փուլ անդրադառնալու է համայնքային ենթակայության կրթամշակութային մյուս օջախներին»,- ասված է հաղորդագրությունում։