15.09.2026 | 20:30
«Էդ տեսակի հետ ինչ խոսես»․ Առուշանյանի ճանապարհը դեպի Փաշինյանի «Համերաշխություն». ՏԵՍԱՆՅՈՒԹ
Փախստականների թիվն աշխարհում առաջին անգամ գերազանցել է 100 միլիոնը․ ՄԱԿ
Քաղաքականություն
23.05.2022 | 16:07
Փախստականների և ներքին տեղահանվածների թիվը, որոնք ստիպված են եղել լքել իրենց տները մարդու իրավունքների ոտնահարման և բռնության պատճառով, առաջին անգամ մեր մոլորակի վրա գերազանցել է 100 միլիոնը: DW-ի ռուսական ծառայության փոխանցմամբ՝ նման տվյալներ է հրապարակվել Ժնևում՝ ՄԱԿ-ի փախստականների հարցերով գերագույն հանձնակատարի գրասենյակի կողմից։
Ուկրաինայում Ռուսաստանի ագրեսիվ պատերազմը և այլ զինված հակամարտությունները զգալի ներդրում են ունեցել իրավիճակի զարգացման գործում, նշում է ՄԱԿ-ի փախստականների հարցերով գերագույն հանձնակատարի գրասենյակը։
ՄԱԿ-ի փախստականների հարցերով գերագույն հանձնակատար Ֆիլիպո Գրանդիի խոսքով՝ հարյուր միլիոնը և՛ սթափեցնող, և՛ մտահոգիչ թիվ է։
«Սա պետք է սթափության կոչ լինի՝ լուծելու և կանխելու կործանարար հակամարտությունները, դադարեցնել հալածանքները և լուծել այն հիմնական պատճառները, որոնք մղում են անմեղ մարդկանց փախուստի»,- նշել է նա:
ՄԱԿ-ի տվյալների համաձայն՝ աշխարհում բռնի տեղահանվածների թիվը մինչև 2021 թվականի վերջը հասել է 90 միլիոնի՝ բռնության նոր ալիքների կամ երկարատև հակամարտությունների պատճառով այնպիսի երկրներում, ինչպիսիք են Եթովպիան, Բուրկինա Ֆասոն, Մյանմարը, Նիգերիան, Աֆղանստանը և Կոնգոյի Դեմոկրատական Հանրապետությունը:
Ուկրաինայում պատերազմը 2022 թվականին հանգեցրել է 8 միլիոն մարդու տեղահանմանն այս երկրի ներսում։ Բացի այդ, Ուկրաինայից հեռացել է ավելի քան 6 միլիոն փախստական։
Տաթև Ֆռանգյան
