15.09.2026 | 19:21
Դատավոր Սամվել Թադևոսյանը կրկին հրաժարականի դիմում է ներկայացրել. ԲԴԽ-ն դադարեցրել է նրա լիազորությունները
Հայաստանում Ռուսաստանի ՀՌՇ զինծառայողները նախապատրաստել են ուսուցման ամառային շրջանի ուսումնանյութական բազան
Հասարակություն
22.05.2022 | 16:20
Հայաստանում Ռուսաստանի Հարավային ռազմական շրջանի զորամիավորման զինծառայողները ուսումնանյութական բազայի (ՈՒՆԲ) տարրերն ամբողջությամբ նախապատրաստել են ուսուցման ամառային շրջանի համար:
«Արմենպրես»-ի հաղորդմամբ, այս մասին տեղեկացրել են ՌԴ Հարավային ռազմական շրջանի մամուլի ծառայությունից, մասնագետները տանկային դիրեկտրիսներում, մարտավարական դաշտերում, զորային հրաձգարաններում, ավտոդրոմներում եւ տանկոդրոմներում աշխատանքներ են կատարել: անց են կացվել մալուխներ, վերականգնվել են թիրախային համալիրները, կատարվել է հատուկ օբյեկտների, մարզասարքերի եւ ՈՒՆԲ համալիրների վերանորոգում:
«Նաև ռազմական ավանների և բարձրլեռնային «Ալագյազ» և «Կամխուդ» զորավարժարանների տարածքում գտնվող բոլոր ուսումնական դասարաններում և մասնագիտացված շինություններում վերականգնվել է շարժական ուսումնամեթոդական բազան, կատարվել են օդանավակայանի սարքավորումների, կապի համակարգերի սպասարկման և թռիչքուղու ստուգման աշխատանքներ»,- ասված է հաղորդագրության մեջ:
Ինժեներական զորքերի մասնագետները սարքավորել են ջրային արգելքները, խրամատները, խանդակները եւ առվափոսերը բարձրլեռնային զորափորձարաններում զորամիավորման անձնակազմի պարապմունքների համար, հաղորդում է ՀՌՇ-ի մամուլի ծառայությունը ՝ նշելով, որ բոլոր աշխատանքներն ավարտվել են ժամանակին, եւ Հայաստանում ՀՌՇ-ի միավորումը լիովին պատրաստ է նոր ուսումնական շրջանի մեկնարկին:
