22.04.2026 | 23:30
ՀՀ տարածքում ավտոճանապարհները հիմնականում անցանելի են
Թուրք երիտասարդ ընտրողների շրջանում Էրդողանի կուսակցությունը դիրքերը զիջում է ընդդիմությանը․ հետազոտություն
Քաղաքականություն
20.05.2022 | 23:30
Թուրքիայի նախագահ Ռեջեփ Թայիփ Էրդողանի ղեկավարած իշխող «Արդարություն և զարգացում» կուսակցությունը կորցնում է վստահությունը նաև երիտասարդ ընտրողների շրջանում։ Մասնավորապես, Yöneylem սոցիալական հետազոտությունների կենտրոնը հրապարակել է ընտրողների շրջանում հարցման արդյունքները, գրում է Bianet-ը։
Հետազոտությունը, որն իրականացվել է 2022 թվականի ապրիլին, անցկացվել է 3444 մարդու մասնակցությամբ՝ դեմ առ դեմ հարցազրույցների միջոցով Թուրքիայի 27 նահանգներում։
Ըստ հարցումների տվյալների՝ 18-22 տարեկան՝ առաջին անգամ ընտրող երիտասարդների նախապատվությունը ստացել է գլխավոր ընդդիմադիր Ժողովրդահանրապետական կուսակցությունը (CHP)՝ 36,9 տոկոսով։
Ընդդիմադիրներին հաջորդում է իշխող «Արդարություն և զարգացում» կուսակցությունը՝ 21,2 տոկոսով։
Մինչդեռ չկողմնորոշված ընտրողների մասնաբաժինը մնացել է նույնը՝ 13 տոկոս, իսկ նրանց մասնաբաժինը, որոնք ասել են, որ չեն քվեարկելու, կազմել է 7,1 տոկոս։ Հետազոտության համաձայն՝ մյուս կուսակցությունների ցուցանիշն է՝ քրդամետ Ժողովուրդների դեմոկրատական կուսակցություն՝ 9 տոկոս, «Ազգայնական շարժում»՝ 5,1 տոկոս, «Լավ» կուսակցություն՝ 3,9 տոկոս, DEVA՝ 0,8 տոկոս, Saadet՝ 0,5 տոկոս, մյուս կուսակցությունները միասին՝ 2,5 տոկոս։
Էմմա Չոբանյան
