22.04.2026 | 11:36
Թրամփը հայտարարել է, թե Հորմուզի նեղուցի շրջափակման վերացումը վերջ կդնի գործարքի հնարավորություններին
Ստում է փողոցի ընդդիմությունը, թե իշխանությունը հանձնում է Արցախը․ Փաշինյանը չի ասել՝ իջեցնում ենք նշաձողը․ Էդմոն Մարուքյան․ ՏԵՍԱՆՅՈՒԹ
Քաղաքականություն
20.05.2022 | 21:17
Ինչո՞ւ են Հայաստանում քննարկում տարբերակ, որով Արցախն Ադրբեջանի կազմում է։ Ես դա չեմ հասկանում։ Դա որ անընդհատ ասում են, իրենք ի՞նչ են ուզում։ Այս ամբողջ պրոցեսը պատերազմից հետո սկսված՝ բոլոր դասերը, սխալները քաղած առաջ գնալն է։ Մենք չենք պատրաստվում նույն սխալները կրկնել։ Factor TV-ի հարցազրույցում պատասխանելով «Արցախը հանձնելու» մասին ընդդիմության մեղադրանքներին՝ ասաց Հատուկ հանձնարարություններով դեսպան Էդմոն Մարուքյանը։
«Ո՞ր ընդդիմությունն է մեղադրում Արցախը հանձնելու մեջ, ընդդիմությունը, որը 1998 թվականից սկսած պետք է Արցախը, Հայաստանը հզորացներ, չի հզորացրել, ա՞յդ ընդդիմությունը։ Դա մանիպուլյացիա է, փորձ է արվում այդ ձևակերպումներով, թե «Արցախը հանձնում են», «Սյունիքը հանձնում են», «Գեղարքունիքը հանձնում են», «Սևանը հանձնում են», ստել, իսկ մեր ժողովուրդը ողնաշարով զգում է սուտը, երբ քաղաքական գործիչը ստում է։ Խաբում են, ժողովուրդը զգում է։ Հետո սկզբունքները հրապարակում ենք, ասում են՝ մեր պայքարը թույլ չտվեց, որ նշաձողն իջնի։ Որոշեք՝ նշաձողն իջեցվե՞լ է, թե՞ չի իջեցվել»,- հավելեց նա։
Էդմոն Մարուքյանը հերքեց նաև ընդդիմության այն մեղադրանքները, թե Նիկոլ Փաշինյանն ասել է, որ իջեցրել է Արցախի կարգավիճակի նշաձողը։
Հարցազրույցն ամբողջությամբ՝ տեսանյութում։
Ռոբերտ Անանյան
