09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Կանադան նոր պատժամիջոցներ է սահմանել Ռուսաստանի դեմ
Քաղաքականություն
20.05.2022 | 20:36
Կանադան Ռուսաստանից 14 ֆիզիկական անձանց դեմ պատժամիջոցներ է կիրառել, ինչպես նաև արգելել է Ռուսաստանից Կանադա ներմուծումն ու շքեղ ապրանքների և համակարգչային տեխնիկայի արտահանումը Ռուսաստան։ Այս մասին ասվում է Կանադայի ԱԳՆ հայտարարության մեջ, գրում է Ինտերֆաքսը։
Մասնավորապես, նշվում է, որ պատժամիջոցները սահմանվում են «Ռուսական երկաթուղիների» ղեկավար Օլեգ Բելոզերովի, «Ուրալքիմի» նախկին ղեկավար Դմիտրի Մազեպինի և նրա որդու՝ Նիկիտա Մազեպինի, ձեռնարկատերեր Ալեքսանդր Լեբեդևի, Գլեբ և Քսենիա Ֆրանկների և այլոց նկատմամբ։
Նոր միջոցները ներառում են Ռուսաստան շքեղ ապրանքների արտահանման արգելք, ինչպես նաև ՌԴ-ից շքեղ ապրանքների, այդ թվում՝ ալկոհոլային խմիչքների, ծխախոտի, որոշակի տեքստիլ և սպորտային հագուստի, կոշիկների, աքսեսուարների, ոսկերչական իրերի, սպասքի և արվեստի գործերի ներմուծման արգելք։
Էմմա Չոբանյան
