08.06.2026 | 12:48
ԲՀԿ-ն չի հաղթահարում անցողիկ շեմը՝ ըստ ԿԸՀ-ի նախնական արդյունքների
Ուկրաինայի ՊՆ-ն հայտարարել է ռազմական գործողությունների սրման մասին
Քաղաքականություն
20.05.2022 | 19:48
Ուկրաինայում ռազմական գործողությունների գոտում հետագա սրման նշաններ կան։ Այս մասին այսօր հայտարարել է երկրի ՊՆ խոսնակ Ալեքսանդր Մոտուզյանիկը, փոխանցում է Korrespondent-ը։
«Ռազմական գործողությունների վայրում այս պահին իրավիճակը շարունակում է լարված մնալ և հետագա սրման նշաններ կան։ Ռուս օկուպացիոն ուժերն ինտենսիվ կրակային ազդեցություն ունեն բախման գծի ողջ երկայնքով և փորձում են հրետանիով խփել ուկրաինական ուժերի պաշտպանության խորքերը»,- ասել է նա։
Տեղեկացվում է, որ դա տեղի է ունենում, մասնավորապես, Դոնեցկի շրջանում և Սլավյանսկի ուղղությամբ։
Նշվում է, որ ռուսական ուժերը կենտրոնանում են նաև գրավյալ դիրքերը պահելու, հետախուզության, դիրքերի համար ինժեներական տեխնիկայի, զինամթերքի, զինտեխնիկայի, վառելիքի և քսանյութերի պաշարների համալրման, ինչպես նաև որոշակի հատվածներում մարտավարական դիրքի բարելավման ուղղությամբ։
Տաթև Ֆռանգյան
